समाज

घर फर्किंदै यार्सा संकलक

असार १५, २०७६

    मुगु : मुगुको पूर्वी करान क्षेत्रमा रहेको मुगम कार्मारोङ गाउँपालिकाका लेकहरुमा यार्सागुम्बा संकलन गर्न गएका स्थानीयवासीहरु फर्कन थालेका छन्। जुम्ला, मुगु, कालीकोट, जाजरकोटलगायतका यार्सा संकलकहरु पाटनबाट फर्कन थालेको मुगम कार्मारोङ गाउँपालिकाको कार्यालयले जनाएको छ। 

    गाउँपालिकाका सूचना अधिकारी तीर्थराज शाहीका अनुसार यार्सा संकलनका लागि गएको स्थानीवासी दुई साताअघिदेखि फर्कन थालेका हुन्। जिल्ला सदरमुकाम गमगढीको बाटो हुँदै घर फर्किएका जुम्ला गोठीचौर गाउँपालिकाका वीरबहादुर बुढाले यार्सा संकलका लागि लेक गएका सबै नफर्किएको बताए। केही भने असारे काम गर्न फर्किएको बताए।

    यस वर्ष विगतका वर्षहरुभन्दा बढी यार्सा पाइएको बुढाले बताए। यार्सा संकलनका लागि पाटन गएकाहरु असार अन्तिमसम्म फर्किसक्छन् । मुगुको उच्च हिमाली पाटन मुगुमकामारोग गाउँपालिकाका सानो कोइकी, ठूलो कोइकी, छुमरु, रिमाण, चार्कु, छापाखोला लगायतका वनमा यार्सा पाइन्छ। 

    वन लसुनको सिजन सुरु 

    यार्सा संकलनको सिजनपछि वन लसुन संकलनको सिजन सुरु भएको छ। यस क्षेत्रका बासिन्दा वन लसुन संकलनका वनतिर जाने तयारीमा छन्।

    केही मानिसहरु यार्सा संकलन पाटनबाटै वन लसुन पाइने वनतिर गएका छन्। वन लसुनको मूल्य राम्रो हुने भएकाले अधिकांश युवा वन लसुन संकलनका लागि पाटन जाने गर्दछन्।

    वन लसुनको प्रतिकेजी ३५ हजारदेखि ४० हजार रुपैयाँसम्ममा बिक्री हुने गरेको छ। वन लसुन पाँच हजार मिटरभन्दा माथिको उचाइमा पाइने वनस्पति हो। 

नन्दबहादुर रोकाया

रोकाया थाहा खबरका मुगु समाचारदाता हुन्। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]