राजनीति

अहिलेकै अवस्थाको लकडाउन साउन ७ सम्म थप्‍ने निर्णय

सार्वजनिक सवारी, जहाज र विद्यालय खुलेनन्

असार १५, २०७७

    काठमाडौं : सरकारले अहिलेकै अवस्थाको लकडाउनलाई सात ७ गतेसम्म जारी राख्ने निर्णय गरेको छ। प्रधानमन्त्रीको सरकारी निवास बालुवाटारमा बसेको मन्त्रिपरिषद् बैठकले यथाअवस्थाको लकडाउनलाई स्वरुप फेरबदल नगरी साउन ७ सम्म लम्ब्याउने निर्णय सोमबार गरेको हो। 

    देशभर कोरोना संक्रमणको दर बढ्दै गएको सन्दर्भमा अहिले कायम लकडाउनलाई साउन ७ सम्म निरन्तरता दिने निर्णय भएको मन्त्रिपरिषद् श्रोतले जनाएको छ। सरकारले कोरोना फैलिन नदिन सामाजिक दुरी र स्वास्थ्यसम्बन्धी सतर्कताका लागि यही स्वरुपको लकडाउनलाई साउन पहिलो सातासम्म पुर्‍याएको हो। 

    सरकारले लकडान कडा तथा खुकुलो बनाउने र निश्‍चित जिल्ला र क्षेत्र सिल गर्ने अधिकार प्रदेश सरकारलाई दिइसकेको छ। अब स्थानीय र प्रदेश सरकारले नै कोरोनाको संक्रमणको अवस्था हेरेर लकडाउन कडा र खुकुलो बनाउन सक्नेछन्। 

    गत चैत ११ देखि देशमा जारी लकडाउनलाई जनस्तरबाट तीव्र विरोध र असन्तुष्टि भएपछि सरकारले असार १ देखि खुकुलो बनाएको थियो । त्यसयता अधिकांश पसल खुलेका छन् भने निजी सवारी पनि जोर विजोर प्रणालीमा चलिरहेका छन्। काठमाडौंका सडकमा त बाक्लो ट्राफिक जाम नै हुने गरेको छ। 

    सरकारको यही स्वरुपको लकडाउन अनुसार आन्तरिक र अन्तर्राष्ट्रिय हवाई उडान मात्रै नियमित भएका छैनन्। त्यसैगरी भाडा निजी सवारी साधन सडकमा गुडेका छैनन्। सरकारले अझैसम्म सिनेमा घर, ठूला सपिङ मल, शैलुन, जिम, पौडी पोखरी, पार्लर र विद्यालय भने खोलेको छैन। 
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]