समाज

सरकारी राहत नपाए निजी विद्यालयले सोमबारदेखि अनलाइन कक्षा ठप्प पार्ने

असार १९, २०७७

    काठमाडौं : निजी विद्यालय सञ्चालकहरूले आइतबारसम्ममा सरकारले राहत प्याकेज नल्याए सोमबारबाट अनलाइन कक्षा ठप्प पार्ने चेतावनी दिएका छन्‌।

    निजी तथा आवासीय विद्यालय अर्गनाइजेसन नेपाल (प्याब्सन) र राष्ट्रिय निजी तथा आवासीय विद्यालय एसोसिएसन नेपाल (एन–प्याब्सन) ले राहत प्याकेज ल्याउन सरकारले आलटाल गरेको भन्दै अनलाइन कक्षा बन्द गर्ने चेतावनी दिएको हो।

    प्याब्सनका अध्यक्ष टिकाराम पुरीले आइतबारसम्म सरकारले राहत प्याकेज घोषणा नगरे सोमबारबाट अनलाइन कक्षा ठप्प पार्ने निर्णय भएको जानकारी दिए। ‘सरकारले शुल्क उठाउन पनि दिएको छैन,’ उनले भने, ‘यो संकटले घरभाडा तिर्न सकेका छैनौँ, आम्दानी केही छैन, तीन महिनादेखि शिक्षकहरु भोकभोकै छन्, सरकारसँग राहत मागेपनि प्राप्त भएन, त्यसैले आइतबारसम्म राहत प्याकेज घोषणा नगरे सोमबारबाट अनलाइन कक्षा बन्द गर्छौं।’

    हाल जारी लकडाउनका कारण दुई लाख शिक्षक-कर्मचारीलाई हातमुख जोड्न पनि समस्या भएको उनको भनाई छ। उनले भने, ‘सरकारले अनलाइन, भर्चुअल कक्षाबाट पढाउनु भन्छ, तर शुल्क लिन दिँदैन, स्रोत नै नभए कसरी पढाउने? भोकै पढाउन सक्दैनौँ।’

    उनले शिक्षा, विज्ञान तथा प्रविधि मन्त्रालयलाई अवधारणा पत्र बुझाइसकेको जानकारी दिँदै र लुकीछिपी शुल्क नलिन विद्यालयलाई आग्रह गरे।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]