समाज

जानकारी नै नदिई मेलम्चीकाे पानी पथान्तर गरेको भन्दै विरोध

असार २२, २०७७

    सिन्धुपाल्चाेक: मेलम्ची खानेपानी विकास समिति र खानेपानी मन्त्रालयले एकातर्फ रुपमा सिन्धुपाल्चोकका जनप्रतिनिधि, स्थानीय तह र सरोकारवाला निकायहरूलाई कुनै जानकारी नदिई पानी पथान्तरण सुरुवात गरेको घटनाप्रति दुःख प्रकट गरेका छन्।

    आज पत्रकार सम्मेलन गर्दै सरोकारवालासँग कुनै समन्वय नै नगरी मन्त्रालयले गरेको यस्ता हर्कतबारे दुःख प्रकट गरेको हो। प्रमुख जिल्ला अधिकारी उमेशकुमार ढकालले आइतबार पानी परीक्षण उद्घाटन गरेका थिए। 

    मन्त्रीले आइतबार गरेको पत्रकार सम्मेलनमा सिन्धुवासीलाई दिएको अभिव्यक्तिबारे पनि ध्यानाकर्षण भएको जनाइएको छ। खानेपानी तथा सरसफाइ मन्त्री बिना मगरले मेलम्चीको पानी सिन्धुवासीको भए पनि त्यसबारे कुनै सम्बोधन नगरी पानी काठमाडौँ आएको भन्दै मन्त्रालय र खानेपानी विकास समितिलाई मुख्य श्रेय दिएकी थिइन्। 

    उक्त अभिव्यक्ति तुरुन्त सच्याउन माग गर्दै आउँदा दिनमा यसैगरी निर्णय गरे थप समस्या हुने चेतावनी दिइएको छ।
     
    पत्रकार सम्मेलनमा जिल्ला समन्वय समितिका प्रमुख कृष्णगोपाल तमाङ मेलम्ची नगरपालिकाका प्रमुख डम्बर अर्याल, राप्रपा २ न क्षेत्रीय अध्यक्ष फडिन्द्र दाहाल, हेल्मो सिन्धु सामाजिक उत्थान कार्यक्रमका अध्यक्ष उपेन्द्र तामाङ उपाध्यक्ष चिरन तामाङ इन्द्रवती सरोकार समितिका अध्यक्ष विष्णुमणि आचार्यलगायतले लेबी र स्थानीयको माग पूरा नगरी पानी लगे आन्दोलन गर्ने चेतावनी दिए। 

    लेबी, मजदुर, कर्मचारी र सप्लायर्सहरुको समस्या तथा विकास निर्माण सम्बन्धमा तत्काल निर्णय लिन पनि बैठकले ध्यानाकर्षण गरेको छ।
     
    हेलम्बु गाउँपालिकाको घोर आपत्ति

    मेलम्चीको पानी सुरुङबाट काठमाडौँमा पठाउन सरकारले स्थानीय सरकारसँग कुनै समन्वय र सहकार्य नगरेको भन्दै हेलम्बु गाउँपालिकाले घोर आपत्ति जनाएको छ।

    आज एक विज्ञप्ति जारी गर्दै अध्यक्ष निमा ग्याल्जेन शेर्पाले उक्त कार्य अनुचित र गैरजिम्मेवार भएको टिप्पणी गरेका छन्। उनले आगामी दिनमा सहयोगका लागि असहज वातावरण सिर्जना गर्न स्थानीय सरकार र स्थानीयवासी बाध्य हुने तथा यसको सम्पूर्ण जिम्मेवारी उक्त आयोजना र सोसँग सम्बन्धित निकायले व्यहोर्नुपर्ने उल्लेख गरेका छन्। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]