फिचर : फोटो फिचर

आहा ! हरियाली छाएको चाँगुफाँट (फोटो फिचर)

साउन १७, २०७७

    काठमाडौं : देशमा यतिबेला कोरोना संक्रमण बढिरहेको छ। लकडाउन खुकुलो पारिएपनि जनजीवन सामान्य बनिसकेको छैन। दैनिक क्रियाकलाप लयमा फर्किसकेको छैन। 

    बर्खा लागेसँगै खेतीपाती लगाउने याम सुरू भएकाले महामारीकै बेलामा पनि किसानहरू निष्क्रिय बसेनन्‌। किसानहरूले मकैलगायत बाली लगाए, भाँचे। फेरि धान रोपे र अहिले गोड्दैछन्। 

    भक्तपुरको चाँगुनारायण नगरपालिकाका किसानहरू पनि यतिखेर धान गोड्न व्यस्त छन्। महामारीकै बीच निकै कष्टका साथ धान रोपेका किसानहरू अहिले गोड्न भ्याई-नभ्याई गरिरहेका छन्।

    यसरी धान खेतमा व्यस्त भएका किसानहरूलाई कोरोनाको डर त लागिरहेको छ, तर रोपिसकेको धानलाई सम्भार गरिएन भने उत्पादन नहुने चिन्ता छ। धान गोडिरहँदा भेटिएकी चाँगुकी मीना श्रेष्ठले भनिन्‌, 'रोपेको खेती भित्र्याउनैपर्छ, नत्र अहिलेको महामारीभन्दा पनि भोकमरी डरलाग्दो हुन्छ।'

    फाँटहरूमा धानको बेर्ना हुर्कँदै जाँदा अहिले रौनक थपिएको छ। इन्डोनेसियाको बाली टापुपछि उब्जनीका हिसाबले उत्कृष्ट मानिने काठमाडौं उपत्यकामा शहरीकरण भइनसकेका फाँटहरूमा धानखेती हुने गरेको छ।

शिला तिम्सिना

तिम्सिना फोटो पत्रकार हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]