राजनीति

त्रिवि उपकुलपति कार्यालयमा नेविसंघ कार्यकर्ताकाे तोडफोड

परीक्षाको विकल्प नदिएको आरोप

साउन २७, २०७७

    काठमाडाैं : नेपाली कांग्रेसको भ्रातृ संस्था नेपाल विद्यार्थी संघ (नेवि संघ) का कार्यकर्ताले त्रिभुवन विश्व विद्यालयको उपकुलपति र रजिस्ट्रारको कार्यालय तोडफोड गरेका छन्।

    मंगलबार परीक्षाको विकल्पको माग गर्दै त्रिवि परिसर पुगेका नेवि संघका कार्यकर्ता तोडफोडमा उत्रिएका हुन्। उनीहरुले उपकुलपति र रजिस्ट्रारको कार्यालयमा तोडफोड गरेका हुन्।

    नेवि संघले मंगलबार शैक्षिक क्यालेन्डर फाइनल गर्ने लगायत मागबारे त्रिवि पदाधिकारीसँग बुझ्‍न जाँदा प्रहरी ल्याई बल प्रयोग गरेपछि विद्यार्थी नेताले सामान्य तोडफोड गरेको  नेवि संघका अध्यक्ष राजीव ढुंगानाले जानकारी दिए।  

    उनका अनुसार पठनपाठनको लागि  शैक्षिक क्यालेन्डर फाइनल गर्नेबारे माग राख्न विद्यार्थी त्रिविमा पुगेका थिए। ‘हाम्रा विद्यार्थी साथीहरु शैक्षिक क्यालेन्डरको लागि पदाधिकारीसँग बुझ्न गएका थिए,’ उनले भने,‘त्रिवि प्रशासनले प्रहरी ल्याई बल प्रयोग गर्न लगाउँदा सामान्य घट्ना भएको हो। प्रहरीले विद्यार्थीलाई फर्काउन खोजेपछि विवाद सुरु भयो।’

    त्रिविका तीन कार्यालय र उपकुलपतिको कार्यालयको गाडीमा ढुंगा हानेर तोडफोड गरेको बताइएको छ। नेविसंघले यसअघि उपकुलपति कार्यालय लगायतमा ताला लगाएको थियो। पाटन उच्च अदालतले ताला खोल्न अनुमति दिएपछि कार्यालयको ताला खुलेको थियो।

    नेवि संघ त्रिवि समितिका सभापति हरि आचार्यले विद्यार्थीहरुले तोडफोड गरेको थाहाखबरलाई जानकारी दिए। ‘विद्यार्थीहरुले परीक्षाको विकल्प माग गरिरहेका छन्,’ उनले भने, ‘रेक्टरसँग पनि यस विषयमा छलफल भएको थियो। त्रिविले परीक्षाको विकल्पका लागि तयार पारेको कार्यविधि नै पारित गरेन भने विद्यार्थीहरु रुष्ट छन्।’

    उनका अनुसार त्रिविले अनलाइन परीक्षा विधि लगायत केही मापदण्ड तयार पारे पनि त्यसबारे चासो नदिएपछि विद्यार्थीहरु रुष्ट छन्। नेवि संघका कार्यकर्ताहरूले हिजो सोमबार रेक्टरसँग पनि छलफल गरेका थिए।  

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]