खेलकुद

सागमा स्वर्ण जित्‍ने तीन पाकिस्तानी खेलाडीको पदक खोसियो, चार वर्ष प्रतिबन्ध

साउन २८, २०७७

    काठमाडाैं : नेपालमा गत मंसिरमा भएको १३ औँ दक्षिण एसियाली खेलकुद प्रतियोगिता सागमा सहभागी पाकिस्तानका तीन खेलाडी डोपिङमा असफल भएका छन्। 

    जसका कारण उनीहरूले सागमा जितेको तीन पदक पनि खोसिने भएको छ। नेपाल ओलम्पिक कमिटीले बुधबार जारी गरेको विज्ञप्तिमा पाकिस्तानी तीन खेलाडीको डोपिङ परीक्षण पोजेटिभ देखिएको जनाइएको छ।

    पदक खोसिने खेलाडीमा एथलेटिक्सतर्फ एक सय मिटर दौडमा कास्य पदक विजेता सामी उल्लाह, एक सय १० मिटर हर्डल्समा स्वर्ण विजेता मुहमद नइम र चार सय मिटर हर्डल्समा स्वर्ण विजेता महबुब अली रहेका छन्।

    खेललगत्तै उनीहरुबाट संकलन गरिएको स्याम्पल कतारको राजधानी दोहास्थित एन्टी डोपिङ ल्याबमा परिक्षणका लागि पठाइएको थियो। जहाँ उनीहरूकाे रिपोर्ट पोजेटिभ पाइएको हो। एनओसीले विज्ञप्ति जारी गर्दै तीनै जना खेलाडीलाई चार वर्ष अर्थात् २०२३ डिसेम्बरसम्म निलम्बन गरिने जनाएको छ।​

    १३औँ संस्करणको साग नेपालमा मंसिर १५ देखि २४ गतेसम्म आयोजना भएको थियो । आगामी संस्करणको आयोजकका रूपमा रहेको पाकिस्तानले ३२ स्वर्णसहित एक सय ३२ पदक जितेको थियो।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]