कोभिड-१९ {अपडेट}

मोरङमा एकैदिन ८८ संक्रमित, प्रदेशभर ११५ जना थपिए

विराटनगरमै भेटिए ६० नयाँ बिरामी

साउन २९, २०७७

    विराटनगर : समुदायस्तरमा कोरोना पुगेको मोरङमा बिहीबार एकै दिन ८८ जना नयाँ संक्रमित भेटिएका छन्। प्रदेश १ को राजधानी विराटनगरमा मात्रै ६० जना नयाँ संक्रमित थपिएका छन्। 

    प्रदेश १ भरी ११५ जना नयाँ संक्रमित भेटिएका प्रदेश १ सामाजिक विकास मन्त्रालयले जानकारी दिएको छ। बिहीबार संक्रमित भेटिएको अहिलेसम्मकै सबैभन्दा धेरै हो। 

    मन्त्रालयका अनुसार प्रदेश १ मा ८३ पुरुष र ३२ जना महिलामा कोरोना संक्रमण देखिएको छ। मन्त्रालयका अनुसार विराटनगर महानगरपालिकामा बितेको २४ घण्टामा ६० नयाँ संक्रमित भेटिएका छन्। 

    विराटनगरमा ३८ जना पुरुष र २२  जना महिला संक्रमित भेटिएका हुन्। मोरङकै बुढीगंगा गाउँपालिकामा २५ जना संक्रमित भेटिएका छन्। बुढीगंगा गाउँपालिकामा रहेको आरती स्ट्रिप्सका २१ जना मजदुर पनि संक्रमित भएका छन्। मन्त्रालयका अनुसार बुढीगंगा गाउँपालिका-२ मा ३ जना र ७ मा १ जना संक्रमित भेटिएका छन्। अर्कातिर कटहरी गाउँपालिकामा पनि ३ जना संक्रमित भेटिएका छन्। 

    सुनसरीमा १९ जना 

    उता सुनसरी जिल्लामा १९ जना संक्रमित भेटिएका छन्। जसमा १५ पुरुष र ४ महिला छन्। इटहरी उपमहानगरपालिकामा १० पुरुष र ३ महिला संक्रमित थपिएका छन्।, धरान उपमहानगरपालिकामा १ जना वराहक्षेत्र नगरपालिकामा १ जना, दुहबी नगरपालिकामा ३ जना र रामधुनी नगरपालिकामा १ जना संक्रमित भेटिएका छन्। 

    मन्त्रालयका अनुसार इलाममा ४ जना संक्रमित भेटिएका छन्। उदयपुरमा १ जनामा र झापाको बिर्तामोडमा १ जना संक्रमित भेटिएका छन्। बिहीबार ११५ संक्रमितसँगै प्रदेश १ मा १६ जना २६ संक्रमित पुगेका छन्।

    संक्रमण भएकामध्ये १० जनाले अहिलेसम्म ज्यान गुमाएका छन्। ज्यान गुमाएकामध्ये ८ जना मोरङकै छन्। दुईजना प्रदेश २ बाट उपचारका लागि लगिएका हुन्। अहिलेसम्म प्रदेश १ बाट डिस्चार्ज हुने १ हजार ४० पुगेका छन्। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]