समाज

अवैध लागुऔषधसहित २ जना पक्राउ
SHARES

मंसिर २०, २०७५

    पर्सा : जिल्ला प्रहरी कार्यालय पर्साले अवैध लागु औषध चरेश १ किलो ५०० ग्राम र तयारी अवस्थाको ३०० पिस नाइट्रोभेटसहित एक भारतीय र एक नेपालीलाई पक्राउ गरेको छ। चरेशसहित भारतीयलाई र तयारी अवस्थाको ३०० पिस नाइट्रोभेटसहित नेपालीलाई पक्राउ गरेको हो। 

    पक्राउ पर्ने भारतीय भारत विहार जिल्ला पटना कंकरबागथाना मिहापुर बस्ने ६० वर्षिय विपिनकुमार कुर्मी र नेपालको धादिङ गल्छी गाउँपालिका २ बस्ने २४ बर्षीय रामजी बयलकोटी रहेको जिल्ला प्रहरी कार्यालय पर्साले जनाएको छ। कुर्मीले आफूले लगाएको लुगाभित्र पेट र कम्बरमा लागु औषध चरेश पोका पारी लुकाएर नेपालबाट भारततर्फ लाँदै गरेको अवस्थामा पक्राउ गरिएको जिल्ला प्रहरी कार्यालय पर्साका प्रहरी नायव उपरिक्षक मानबहादुर राईले बताए।

    अभियुक्त कुर्मीलाई वीरगन्ज भंसार कार्यालयको मूल गेट अगाडि प्रहरीले चेकजाँच गर्ने क्रममा पक्राउ गरिएको उनको भनाइ छ। त्यसै गरी भारतको रक्सौलबाट नेपालतर्फ तयारी अवस्थाको लागु औषध नाइट्रोभेट लिएर आउँदै गरेको अवस्थामा वीरगन्ज भंसार पारगरी रजत जयन्ती चौकमा आइपुगेको अवस्थामा पैदलै हिड्दै गरेका बयलकोटीलाई प्रहरीले चेकजाँच गर्दा पछाडीको गोजीमा ३०० पिस अवैध लागुऔषध नाइट्रोभेट फेला परेपछि पक्राउ गरिएको प्रहरी नायव उपरीक्षक राईले बताए।

    पक्राउ परेका दुवै अभियुक्तलाई लागु औषध मुद्दामा थप अनुसन्धान पछि कारवाही अगाडि बढाइएको उनको भनाइ छ। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]