समाज

नगर प्रमुख कुटिएलगत्तै हाकिममाथि आक्रमण
SHARES

जेठ २७, २०७६

    रौतहट : रौतहटको राजपुर नगरपालिकाका नगर प्रमुख कुटिएको घटना सेलाउन नपाउँदै त्यही नगरपालिकाका प्रमुख प्रशासकीय अधिकृतमाथि स्थानीय महिलाले आक्रमण गरेका छन्। 

    जनचेतना अभिवृद्धि कार्यक्रमका लागि बजेट नदिएको भन्दै नगरपालिकाका प्रमुख प्रशासकीय अधिकृत गोविन्द सिग्देलमाथि महिलाहरुले आक्रमण गरेका थिए।  

    महिलाको एक समूह कार्यालयमा पसेर उनीमाथि हातपात गरेका हुन्। घटनामा संलग्न रहेको आरोपमा दुईजनालाई जिल्ला प्रहरी कार्यालय रौतहट गौरले पक्राउ गरेको छ। गत जेठ २१ गते यही नगर प्रमुख शेख सकिलमाथि कुटपिट भएको थियो। 

    कार्यालयमा काम गरिरहेको अवस्थामा महिलाहरुको समूह आई आफूमाथि हातपात गरेको प्रमुख प्रशासकिय अधिकृत सिग्देलले बताएका छन्। सामाजिक जनचेतना अभिवृद्धिका लागि रकम माग्न आएका महिलाहरुलाई यस वर्ष पहिले नै रकम खर्च भइसकेकाले आगामी वर्षको बजेटबाट भुक्तानी दिने सम्झाउँदा सम्झाउँदै आफूमाथि एक्कासी आक्रमण गरेको उनले बताए। 

    जनचेतना अभिवृद्धि कार्यक्रमको लागि १२ लाख बजेट छुट्याइएको थियो। उक्त रकम आफू आउनु भन्दा अगाडि नै सकिएको उनले जानकारी दिए। 

    कुटपिटापछि स्थानीय अम्बिया खातुन र सोनापति साहलाई प्रहरीले पक्राउ गरेको जिल्ला प्रहरी कार्यालय रौतहटका प्रहरी नायव उपरीक्षक तथा प्रबक्ता नबिन कार्कीले बताए। पक्राउ परेकालाई सार्वजनिक शान्तिविरुद्धको अपाराधमा मुद्दा चलाइने प्रवक्ता कार्कीले जानकारी दिए।

रमेश तिमल्सिना

पत्रकार तिमल्सिना थाहाखबरको रौतहट जिल्ला संवाददाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]