समाज

वाणिज्य संघका अध्यक्ष पत्रकार सम्मेलनमै पक्राउ, विरोधमा बजार बन्द
SHARES

असार १८, २०७६

    धनगढीः अत्तरिया उद्योग वाणिज्य सङ्घका अध्यक्ष अशोकराज देवकोटासहित तीनजनालाई प्रहरीले बुधवार पक्राउ गरेको छ । उद्योग वाणिज्य सङ्घको कार्यालयमा पत्रकार सम्मेलन चलिरहेका बेला इलाका प्रहरी कार्यालय अत्तरियाको टोलीले उनीहरूलाई पक्राउ गरेको हो । 

    पक्राउ पर्ने अन्य दुईमा सङ्घका सदस्यद्वय विपिनकुमार साउद र दिनेश विष्ट रहेका छन् । असार १० गते गोदावरी नगरपालिकालेको तेस्रो नगर सभाको उद्घाटन सत्रलाई  अवरोध पुर्‍यएको भन्दै अध्यक्ष सहित ८ जना विरुद्ध नगरपालिका कार्यालयले जिल्ला प्रहरी कार्यालय कैलालीमा मुद्दा दायर गरेको थियो । 

    नगरपालिकाको उजुरीको आधारमा तीन जनालाई पक्राउ गरेको जिल्ला प्रहरी कार्यालय कैलालीका प्रहरी नायव उपरीक्षक दक्ष बस्नेतले बताए । उनले भने, ‘थप पाँच जनको पनि खोजी भइरहेको छ ।’ अध्यक्ष सहित तीनजनालाई प्रहरीले पक्राउ गरेको विरोधमा व्यापारीहरूले अत्तरिया बजार बन्द गराएका छन् ।

    व्यापारीले व्यवसायीहरूका साझा समस्यालाई नगरपालिकाको नगरसभामा राख्न नपाएको विषयमा बोल्दा मुद्दा लगाएर पक्राउ गर्नु गलत भएको भन्दै पसलहरू बन्द गरेको अत्तरिया उद्योग वाणिज्य सङ्घका महासचिव यज्ञराज जोशीले बताए । \

    उनले भने ‘हाम्रो कुरा धारणाहरु सुन्नुपर्ने थियो सुनिएन, त्यसैमाथि व्यापारीलाई झुटो मुद्दा लगाएर पक्राउ गरिएको छ । यसको विरोधमा हामी उत्रिएका हौँ ।’

भानुभक्त आचार्य

आचार्य थाहाखबरका कैलाली संवाददाता हुन् । इमेल : bhanuavenues@gmail.com

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]