खेलकुद

क्रिकेट रंगशाला निर्माण सुचारु हुँदै, विगतको समस्या नआओस :धुर्मुस

असार २६, २०७६

    चितवन : केही समय अघिदेखि स्थगित गौतम बुद्ध अन्तर्राष्ट्रिय क्रिकेट रंगशालाको निर्माण सुचारु हुने भएको छ। निर्माणको नेतृत्व गरिरहेको धुर्मुस-सुन्तली फाउण्डेसनले निर्माणमा प्रतिबद्धता जनाएसँगै रोकिएको निर्माणका काम पुनः सुरु हुने भएको हो।

    फाउण्डेसनले बिहीबार विज्ञप्ति जारी गरी निर्माणकार्य चाँडै सुरु हुने जनाएको छ। फाउण्डेसनका अध्यक्ष सीताराम कट्टेल धुर्मुसद्वारा हस्ताक्षरित विज्ञप्तिमा सरोकारवाला सबै पक्षले पुनः सुरु गर्न आव्हान गरेकाले काममा फर्कने निर्णय गरिएको उल्लेख छ।

    रंगशाला निर्माणस्थलको तारबार असन्तुष्ट केही स्थानीयले भत्काएपछि सुरक्षाको कारण देखाउँदै फाउण्डेसनले निर्माण स्थगित गरेको थियो। 'हिजो जे जस्तो भए पनि आगामि दिनमा नदोहोरिने विश्वाससमेत व्यक्त गरेका छौँ', अध्यक्ष सीताराम कट्टेलले भनेका छन्,'फाउण्डेसनको तर्फबाट राष्ट्रको गौरवको आयोजना सम्पन्‍न गराउन सबै नेपालीलाई आव्हान गर्दछौँ।'

    रंगशाला निर्माणका लागि चितवनमा बनेको ५ हजार १ सदस्यीय सर्वपक्षीय सहयोगक समितिले स्थगित भएको निर्माण कार्य पुनः सुचारु गर्न पटकपटक आव्हान गरेको थियो। समितिले रंगशाला निमार्णका लागि सहयोग संकलन भइरहेको र सबैपक्षबाट अनुकूल वातावरण बनेको भन्दै फाउण्डेसनलाई पटकपटक आव्हान गर्दैआएको थियो। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]