फिचर : फोटो फिचर

झरीको बेवास्ता गर्दै साउने स‌ंक्रान्तिको स्वागतको तयारीमा व्यस्त, फोटो

असार ३१, २०७६

    मुगु : साउने सक्रान्ती पर्व नजिकिदै गर्दा मुगु सदरमुकम गमगढी बजारमा चहलपहल बढेको छ। साउने सक्रान्ती आउन  १ दिन बाँकी छदा साउने सक्रान्तीका लागि चाहिने सामान, लत्ताकपडा, खाद्यान्न सामग्री किनमेल तथा बिक्री गर्नेको भीड बढेको हो।

    सामान लत्ताकपडा खाद्यान्न सामग्री किनमेल तथा बिक्री वितरणका लागि मुगुको एक मात्र व्यापारिक केन्द मुगु सदरमुकाम गमगढीमा सामान किनमेल गर्न यतिबेला गाउँगाउँबाट स्थानीय उपभोक्ता गमगढी बजार आएका छन्।

    साउने सक्रान्तिको दिन महिनाभरि हिलोमा पसेर खोतीपाती गर्नुपर्दा शरीर चिलाउने खटिरा, लुतो आदि आउन सक्ने भएकोले जीउलाई सफा सुग्घर गरी यस दिन लुतो फाल्ने पनि गरिन्छ।

    गाउँघरमा  साउन एक गतेका दिन साँझ अगेनामा कुरिलो र तितेपाती सल्काएर अगेनाबाट एउटा अगुल्टो झिकेर चारै दिशामा घुमाई ‘लुतो लैजाउ’ भनी अगुल्टो फ्याक्ने गरिन्छ।

    त्यसरी लुतो फालिसकेपछि जीउमा घाउ खटिरा आएको छ भने कुकुरडाइनो जलाएर त्यसको मलम बनाएर लगाउने चलन छ। शहर बजारतिर भने छोरीबेटीहरूलाई बोलाएर मीठा परिकार बनाएर खुवाउने गरिन्छ। साउन महिनाभरि पार्वतीले ब्रत बसी महादेव पति पाएकाले हिन्दू महिलाहरू लागि यो महिना पवित्र मानिन्छ।

     

नन्दबहादुर रोकाया

रोकाया थाहा खबरका मुगु समाचारदाता हुन्। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]