अर्थ

काठमाडौं महानगरपालिकाले उठायो नौ अर्ब ६४ करोड राजस्व, घर बहालबाट मात्र दुई अर्ब
SHARES

साउन २८, २०७६

    काठमाडौः काठमाडौं महाननगरपालिकाले आर्थिक वर्ष २०७५/७६ मा नौ अर्ब ६४ करोड २४ लाख ८० हजार २७६ रुपैयाँ राजस्व संकलन गरेको छ।महानगरपालिकाले १० अर्ब ५५ करोड ७३ लाख ५७ हजार रुपैयाँ लक्ष्य राखेको थियो ।

    संकलन भएका रकममध्ये सबैभन्दा बढी घर बहाल करबाट उठेको काठमाडौं महानगरपालिकाका राजस्व विभागका प्रमुख नुरनिधि न्यौपानेले जानकारी दिए। उनका अनुसार घरबहाल करबाट १ अर्ब ३३ करोड ७७ लाख १२ हजार  ६९९ रुपैया राजस्व संकलन भएको छ। महानगरपालिकाले घरबहाल करबाट दुई अर्ब आम्दानी गर्ने लक्ष्य लिएको थियो।

    करको दायरा बढाएकाले महानगरपालिकाले बढी राजस्व संकलन गर्न सफल भएको न्यौपानेले बताए। उनका अनुसार घर बहाल सम्झौतामा एक थरी रकम हुन्छ। महानगरलाई कम भएको बुझाउँछन्। घरधनीले चलाखी नगरे अझ बढी घर बहाल उठाउन सक्ने उनको भनाइ छ। तर जनप्रतिनिधि आएपछि घरबहाल कर बढेको छ। जनप्रतिनिधिहरु टोलकै वा चिनजानका हुने भएकाले स्थानीयसँग घरबहाल कर उठाउन सजिलो भएको राजस्व विभाग प्रमुख न्यौपानेले बताए।

    महानगरले नक्सा पास प्रमाणीकरणबापत पनि उल्लेख्य राजस्व संकलन गरेको छ। २० वर्षअगाडि निर्माण भएको घरहरुको नक्सा यस वर्ष आएकाले नक्सा प्रमाणीकरणमा राजस्व वृद्बि हो। व्यवसाय कर, घर जग्गा कर, मालपोत करबाट पनि लक्ष्यभन्दा बढी राजस्व संकलन भएको छ। काठमाडौं महानगरपालिकाले आर्थिक वर्ष २०७३/ ७४ मा २ अर्ब ८२ करोड ८ लाख  २५ हजार ८६२ रुपैयाँ र आव २०७४/७५ मा ५ अर्ब ३१ करोड ८३ लाख ४३ हजार  ४०७ रुपैयाँ राजस्व संकलन गरेको थियो।

    उनका अनुसार चालु आर्थिक वर्षमा गत वर्षको भन्दा २० प्रतिशत बढी राजस्व संकलन गर्ने लक्ष्य लिइएको छ।  घरबहाल कर, सम्पत्ति कर, व्यवसाय कर, पार्किङ कर, आन्तरिक स्रोतबाट राजस्व उठाउने योजना रहेको न्यौपानेले जानाकारी दिए।

अतिन आचार्य

आचार्य थाहाखबरका सामाजिक मामिला संवाददाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]