राजनीति

कश्मीर विवादबारे नेपाल अझै 'पर्ख र हेर'को रणनीतिमा

क्षेत्रीय शान्ति बिग्रिनु भएन : परराष्ट्रमन्त्री

भदौ २, २०७६

    काठमाडौं : भारतले गत साउन २१ गते जम्मु–कश्मीर राज्यका लागि धारा ३७० अन्तरगत दिइएको विशेषाधिकार फिर्ता गरेपछि विकासित अवस्थाबारे नेपाल अझै पर्ख र हेरको अवस्थामा रहेको छ।

    दक्षिण एसियाका दुई छिमेकी भारत–पाकिस्तानबीच कश्मीरलाई लिएर विवाद चुलिइरहेका बेला नेपालले अझै पर्ख र हेरको रणनीति अख्तियार गरे बसेको हो । 

    सोमबार मन्त्रालयमै आयोजित पत्रकार सम्मेलनमा बोल्दै परराष्ट्र मन्त्री प्रदीप ज्ञवालीले कश्मीरमा भारतका कारण विकसित पछिल्लो अवस्थालाई नेपाल सरकारले नजिकबाट नियालिरहेको प्रतिक्रिया दिए ।

    ‘कश्मीर मुद्दालाई हामीले नजिकबाट नियालिरहेका छौँ। त्यहाँ हाम्रा हजारौ नागरिक छन्’, उनले भने, ‘उनीहरुलाई केही नहोस भनेर हामीले नजिकबाट हेरिरहेका छौँ।’

    मन्त्री ज्ञवालीले कश्मीर मुद्दामा दिल्लीस्थित नेपाली दूतावास निरन्तर भारत सरकारको सम्पर्कमा रहेको उल्लेख गरे। 

    ‘हामी क्षेत्रमा शान्तिको पक्षमा छौँ’, उनले थपे, ‘सम्बन्धित देशहरुले वार्ताद्वारा समस्याको समाधान गर्छन् भन्ने अपेक्षा लिएका छौँ। कश्मीरको पछिल्लो अवस्थाले क्षेत्रीय शान्तिमा प्रतिकूल असर गर्दैैन भन्ने विश्वास गरेका छौँ।’

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]