समाज

१६ वर्षीय किशोर झुण्डिएको अवस्थामा मृत फेला, ११ घण्टापछि उठ्यो शव
SHARES

फाइल फोटो
भदौ ३, २०७६

    दार्चुला : दार्चुला जिल्ला सदरमुकाममा १६ वर्षीया किशोर झुण्डिएको अवस्थामा मृत फेला परेका भए पनि उनको शव करिब ११ घण्टापछि मात्रै पोष्टमार्टमका लागि उठाइएको छ।

    महाकाली नगरपालिका-४ खलंगास्थित एम स्टार रेस्टुरेन्ट एण्ड वियरवारमा बिहान साढे ९ बजेतिर छतको सरियामा झुण्डिएको अवस्थामा मृत फेला परेका मनोज कुवँरको शवलाई पोष्टमार्टमका लागि बेलुकी करिब सवा आठ बजे मात्रै लगिएको हो।

    दुँहु गाउँपालिका-४ स्थायी ठेगाना भई महाकाली ४ खलंगामा मनोज आमा मिना चन्द कुवँरसँग बस्दै आएको र आमाले झपारेपछि भित्र गएका उनी मृत अवस्थामा फेला परेको जिल्ला प्रहरी कार्यालय दार्चुलाका निमित्त प्रहरी प्रमुख सुरेन्द्र प्रसाद जोशीले बताए।

    मनोजका बुबा दलबहादुर कुवँर र मिना कुवँरको करिब १० वर्षअगाडि नै सम्बन्ध विच्छेद भएको र मनोज आमासँगै बस्दै आएको उनको परिवार स्रोतले जानकारी दिएको छ। आमा मिनाले दलबहादुर कुवँरसँग सम्बन्ध विच्छेद गरी मंगलसिह धामीसँग विवाह गरेर बसेको र रेस्टुरेन्ट सञ्चालन गर्दै आएको प्रहरी स्रोतले जानकारी दिएको छ।

    मनोजका बुबा दलबहादुर कुवँरले आफ्नो छोरालाई झुण्डिएको अवस्थाबाट आफूलाई नसोधी प्रहरीले निकालेको र आफूलाई मनोजले आत्महत्या नगरेको हुन सक्ने बताएपछि पोष्टमार्टमका लागि लैजाने विषयमा विवाद भएको थियो।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]