राजनीति

भारतसँगको सीमामा तारबार गर्दा आन्दोलन हुन्छ : सांसद कँडेल
SHARES

भदौ २५, २०७६

    काठमाडौं :  नेपाली कांग्रेसका सांसद देवेन्द्रराज कँडेल भारतले सिमाना मिच्दैमा तारबार गर्न नहुने बताएका छन्। संघीय संसदअन्तर्गत राज्य व्यवस्था तथा सुशासन समितिमा बुधबार बोल्दै पूर्वमन्त्रीसमेत रहेका कँडेलले यसो गर्दा दुई देशबीचको सम्बन्ध बिग्रिने बताए।

    ‘भारतले सार्यो भन्दैमा बन्द गर्नुपर्छ भन्ने पक्षमा म छैन। यसले सम्बन्ध झन् बिग्रिन्छ’, उनले भने, ‘यसो गर्नु भन्दा कूटनीतिक पहल नै महत्वपूर्ण हुन्छ।’ भारतमा अपराध गरेकाहरु नेपालको भूगोलमा आएर लुकिरहेको बताउँदै उनले यसलाई नियमन गरिनुपर्ने बताए। 

    ‘भारतमा अपराध गरेकाहरु मोस्ट वान्डेटहरू नेपालको सिमानमा आएर लक्छन्। त्यही कारण भारतीय प्रहरी नेपालमा छिर्छन्’, उनले भने, ‘सुस्तामा पनि त्यही भएको हो। अपराधीहहरू लुकेपछि भारतीय प्रहरी नेपाल छिर्छन्। नेपालले सिमानामा सुरक्षा दिन नसक्दा यस्तो भएको हो।’

    उनले सीमामा काँडेतारले झन् समस्या बढ्ने बताए। ‘काँडेतार होइन, कुटनीतिक विधिबाट समस्या समाधान गरेर सम्बन्ध सुधार्नुपर्छ’, उनले थपे, ‘काँडेतार लगाएमा भारतसँग सिमाना जोडिएर बसेका नागरिक आन्दोलित हुन्छन्। काँडेतार होइन, जे चलिरहेको छ, त्यो यथास्थितिमै रहन दिऊँ।’

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]