खेलकुद

सेनाका रत्नजित र एपिएफका दिपेश सेमिफाइनलमा
SHARES

भदौ २६, २०७६

    सुनसरी : इटहरीमा जारी पुष्पलाल स्मृति ब्याडमिन्टनमा सेनाका रत्नजित तामाङ र राष्ट्रिय च्याम्पियन एपिएफका दिपेश धामी आ-आफ्ना प्रतिद्वन्दीलाई पराजित गर्दै अन्तिम चारमा स्थान बनाउन सफल भएका छन्।

    तामाङले पुलिसका सुनिल जोशीलाई २१/१०, २१/१३ ले पराजित गरे। अब उनले फाइनल प्रवेशका लागि सेनाकै नवीन श्रेष्ठको सामना गर्ने भएका छन्। नवीनले आफ्नै क्लबका प्रफुल महर्जनलाई १३/२१, २१/११, २१/१५ को सेटले पाखा लगाए।

    यस्तै एपिएफका दिपेशले सेनाका रुकेश महर्जनमाथि २१/१६, २१/१६ को सेटले जित निकाले। सेमिफाइनलम धामीको भिडन्त पूर्वराष्ट्रिय च्याम्पियन भोजपुरका विकास श्रेष्ठसँग हुने भएको छ। विकासले पुलिसका जीवन आचार्यमाथि २१/७, १८/२१, २१/११ को सेटले जित निकाले।

    पुरुष एकल खुल्ला तर्फ सेनाका पविन लिनथेप बाँकेको रियाज अन्सारीलाई १६/२१, २१/७, २१/११ को सेटले पन्छाउँदै अन्तिम चारमा स्थान बनाउन सफल भए। अब उनले सेमिफाइनलमा एपिएफका प्रियान्सु सिंह क्षेत्रीसँग प्रतिस्पर्धा गर्ने छन्।

    प्रियान्सुले एपिएफका ईन्द्र बहादुर महतालाई २६/२४, २१/१९ को सेटले पराजित गरे। यस्तै अन्तिम चारमा पुग्ने अन्यमा कैलालीका देवराज राना र एपिएफका निराजन देवकोटा रहेका छन्। रानाले पुलिसका पूर्णबहादुर थापालाई २१/१६, २१/१५ ले तथा देवकोटाले झापाका प्रनिश सिंह ठकुरीलाई २१/१५, २१/१४ ले पराजित गर्दै भेट पक्का गरेका हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]