अर्थ

नेपाल एयरलाइन्समा रणनीतिक साझेदार र दुई एयर बस थप्‍न सुझाव
SHARES

नाफा हुने क्षेत्रमा उडान भर्न आग्रह

असोज १, २०७६

    काठमाडौं : नेपाल वायुसेवा निगममा सुधार ल्याउने गरी सुझाव दिन बनाएको पाँच सदस्यीय कार्यदलले नाफा हुने क्षेत्रमा उडान भर्नका लागि अझै २ ठूला जहाज किन्‍न सुझाव दिएको छ। 

    समितिका संयोजक पूर्वसचिव सुशील घिमिरेले संस्कृति पर्यटन तथा नागरिक उड्ययन मन्त्री योगेश भट्टराईलाई बुधबार आफ्नो प्रतिवेदन बुझाउने क्रममा दुई ठूला एयर बस भित्र्याउन सुझाव दिएका हुन्।

    समितिले प्रतिवेदन बुझाउँदै आर्थिकरुपमा जर्जर रहेको निगमलाई सुधार गरेर अघि बढाउन रणनीतिक साझेदार भित्र्याउन पनि सुझाव दिएको छ। 

    'अष्ट्रेलियाको सिड्नी लगायतका क्षेत्रमा नाफा हुने क्षेत्रमा उडान थप्नको लागि दुईवटा एयरबस ३२० ल्याउनु पर्ने जरुरी छ', समितिले सरकारलाई दिएको सुझावमा भनिएको छ, 'जहाज किन्‍न धेरै समस्या छ । दुई किसिमका जहाज राख्नु हुँदैन। कम्तीमा आठ नौवटा एउटै किसिमका जहाज निगमले ल्याउनुपर्छ।'

    निगमलाई बलियो बनाउन जहाज किन्‍नुअघि खरिद 'नेगोसियसन'का विशेष टोली बनाउनु पर्ने सुझाव समितिले दिएको छ। नेकपा नेता भट्टराई पर्यटन मन्त्री भएपछि गत साउन २२ गते वायु सेवानिगम सुधार समिति गठन गरेका थिए।

    निगमसँग अहिले अहिले ट्वीनअट्टर, एयरबस, वाइ १२, एम ६० सहित नौवटा जहाज रहेका छन्। निगमको वाइड बडीको लामो दुरीको उडान टुंगो नलागेकाले भारत र खाडी मुलुकमा मात्रै उडान भरिरहेको छ। निगमको एयर बसले लामो दुरीको रुट अन्तर्गत जापानमा साताको दुई उडान भरिरहेको छ। 

भागवत भट्टराई

भागवत भट्टराई आर्थिक र समसामायिक विषयमा रिपोर्टिङ गर्छन्। 

@BhagwatBhattrai

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]