समाज

सरकारी गाडीमा कर्मचारीको मनपरी, रातो नम्बरप्लेट राखेर गुडाउँदै

असोज १०, २०७६

    सुर्खेत : वीरेन्द्रनगर नगरपालिकाका कर्मचारीले संघीय सरकारले दिएको निर्देशन अटेर गर्दै आइरहेको पाइएको छ। 

    नगरपालिकाका कार्यकारी प्रमुखदेखि सवारी चालकसम्मले सरकारी नम्बर प्लेटको मोटर साइकललाई निजी बनाएर चलाउँदै आएको पाइएको छ। जिल्ला प्रशाशन कार्यालयले रातो नम्बर प्लेट राखिएका मोटर साइकलमा सेतो नम्बर प्लेट राख्न गरेको परिपत्रलाई नगरपालिकाका कर्मचारीले बेवास्ता गरेका छन्।

    गत जेठ ६ को चलानी नम्बर ७३५९ को परिपत्रमा सरकारी नम्बर प्लेटलाई प्राइभेट नम्बरमा परिणत गरी मोटरसाइकल चलाउँदै आएको जनगुनासो आएको भन्दै त्यसलाई तत्काल परिवर्तन गर्न निर्देशन दिइएको थियो। तर, नगरपालिकाका अधिकृत छैटौं तहमा कार्यरत टंकप्रकाश लामिछानेले प्रयोग गर्दै आएको भे ५ प ४९५९ नम्बरको मोटरसाइकल र सावरी चालक हरि पौडेलले प्रयोग गर्दै आएको  भे ६ प ७३९० नम्बर  मोटरसाइकल रातो प्लेट राखेर चलाइरहेका छन्।

    त्यस्तै, नगरपालिकाका अन्य कर्मचारी र केही वडा सचिवले समेत निजी नम्बर राखेर सवारीसाधन प्रयोग गरेका छन्। सरकारले २० वर्षभन्दा पुराना गाडी नचलाउन गरेको परिपत्रको पनि अवज्ञा गरेको पाइएको छ। नगरपालिकमा नम्बर प्लेट नै नभएको मोटरसाइकल पनि चलाइरहेको पाइएको छ।

    यसैगरी साविकको जिल्ला विकास समितिबाट वीरेन्द्रनगर नगरपालिकालाई हस्तान्तरण गरिएको भे १ झ १७५ नम्बरको टोयटा कम्पनीको गाडी पनि हालसम्म प्रयोग भइरहेको छ। 

धर्मराज जिसी

जिसी थाहा खबरका सुर्खेत समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]