समाज

पर्सामा लुटपाट गर्न आएका पाँचजना भारतीय पक्राउ

असोज १५, २०७६

    पर्सा : पर्वका समयमा बढेको भिडभाडमा लुटपाट गर्न खोज्ने पाँच भारतीय पर्सामा पक्राउ परेका छन् । उनीहरुलाई पर्सा प्रहरी कार्यालयबाट सादा पोशाकमा खटेका प्रहरीले लुटपाट गर्न लागेको समयमा नै पक्राउ गरेको हो । 

    पर्साको जगरनाथपुर गाउँपालिका–४ बस्ने वर्ष १५ को कन्हैयालाललाई लुटपाट गर्न खोजेको समयमा वीरगन्ज महामनगरपालिका वडा नम्बर १५ बसपार्कबाट पाँचै जनालाई पक्राउ गरिएको पर्सा प्रहरीले जनाएको छ। 

    पक्राउ पर्ने अभियुक्तहरु भारत बिहार बेतिया घर भएका २६ वर्षीय  अजय राम, त्यही ठाउँका १६ बर्षका अरुण मल्ली, १५ बर्षका भोला मल्ली, ४० बर्षका घुरिल मल्ली र २५ वर्षका सन्नी राम रहेको जिल्ला प्रहरी कार्यालय पर्साका प्रहरी नायव उपरिक्षक गौतम थापाले बताए। 

    सादा पोशाकमा रहेका प्रहरीले पाँचै अभियुक्तलाई पक्राउ गर्न सफल भएको उनको भनाइ छ। पक्राउ परेका अभियुक्तहरुले अरुको पनि सुनको सिक्री लगायतका सामान लुटपाट गरेको पर्सा प्रहरीमा थप उजुरी आउने क्रम जारी रहेकोले थप अनुसन्धान भइरहेको प्रहरी नायव उपरिक्षक थापाले बताए।  

    त्यसैगरी बारा कलैया–१ घर भई हाल वीरगन्ज १६ बस्ने वर्ष २६ को सजिर रायभरलाई पनि गस्तीमा रहेको प्रहरी टोलीले पक्राउ गरेको छ । पक्राउ परेका रायभरले वीरगन्ज २५ बस्ने नवनीत दासको मोबाइल फोन चोरी गरी भाग्दै गरेको समयमा पक्राउ गरी थुनामा राखेर थप अनुसन्धान भइरहेको पर्सा प्रहरीले जनाएको छ। 

    केही दिनयता पर्वको समयमा बढेको भिडभाडलाई लक्षित गरी लुटेरा र चोरहरुले थप गतिविधि बढाउन सक्ने कुरालाई आंकलन गरी प्रहरीले चालेको थप सुरक्षा व्यवस्था अनुसार अभियुक्तहरु धमाधम प्रहरी नियन्त्रमा पर्न थालेको प्रहरीको दावी छ।

    सादा पोशाकमा पनि साविकको भन्दा धेरै प्रहरी परिचालन गरिएकोले पर्वको भिडभाडमा पनि अपराधिक घटना घटाउन सकिन्छ भनी अपराध कर्ममा लाग्नेहरुले छुट पाउन नसक्ने पर्सा प्रहरीले जनाएको छ। 
     

तुलसी भण्डारी

भण्डारी थाहा खबरका पर्सा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]