समाज

एक दशकसम्म भ्रमण वर्ष मनाउने सरकारको योजना

जनकपुर आउने पर्यटकलाई अन्य ठाउँमा पनि घुमाऊँ

कात्तिक १३, २०७६

    जनकपुरधाम : संस्कृति, पर्यटन तथा नागरिक उड्डयन मन्त्री योगेश भट्टराईले आगामी एक दशकसम्म भ्रमण वर्ष मनाउने योजना रहेको बताएका छन्। 

    बुधबार जनकपुरस्थित नेपाल पत्रकार महासंघमा आयोजित पत्रकार सम्मेलनमा मन्त्री भट्टराईले भ्रमण वर्ष २०२० सफल पारेर यसलाई निरन्तरता दिइने बताए। उनले विभिन्‍न ठाउँबाट जनकपुरधाम भ्रमणमा आउने पर्यटकको बसाई लम्ब्याउनुपर्नेमा जोड दिए। 

    उनले पर्टकको बसाई लम्ब्याउन आकर्षक र लोभ्याउने स्थललाई विशेष व्यवस्थित गर्नुपर्ने पनि बताए। ‘जनकपुरधाम आउने पर्यटक यहाँको भ्रमण गरेर फर्किने गर्छन्', उनले भने, 'अबदेखि यहाँ आउने पर्यटकलाई छिन्‍नस्ता, गढीमाई, बारा, पर्सा र महोत्तरीका अन्य ठाउँ घुम्ने वातावरण बनाउन आवश्यक छ।’ 

    मन्त्री भट्टराईले निर्माणाधीन जनकपुर विमानस्थलको टर्मिनल भवनको काम २/३ महिनाभित्रै पुरा भएर सञ्चालनमा आउने पनि बताए। 

    यस्तै मैथिलीका महाकवि विद्यापति मिथिलाका मात्रै नभई सम्पूर्ण देशका महाकवि रहेको उनले उल्लेख गरे। विद्यापतिको शालिक नेपालको विभन्‍न ठाउँमा आफ्नै कार्यकालमा निर्माण गर्ने प्रतिबद्धता पनि उनले जनाए।

    यस्तै प्रदेश २ का उद्योग, पर्यटन, वन तथा वातावारण मन्त्री रामनरेश रायले संघीय सरकारले पर्यटन वर्ष मनाउन देखाएको तदारुकदा स्वागतयोग्य रहेको बताए। 

    उनले प्रदेश २ मा पर्यटनको प्रचुर सम्भावना रहेको भन्दै संघीय सरकारले मन्त्रालयका सचिवलाई स्थायी रुपमा बस्‍न नदिएकाले काममा समस्या भइरहेको गुनासो गरे।

सन्तोष यादव

यादव थाहा खबरका धनुषा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]