समाज : सुरक्षा/अपराध

अवैध आयात भएका चौपाया प्रहरी नियन्त्रणमा

कात्तिक २२, २०७६

    पर्सा : अवैधरूपमा सीमापारीबाट ल्याई काठमाडौंतर्फ लान थालेको समयमा पर्सा प्रहरीले ट्रकसहित चौपाया नियन्त्रणमा लिएको छ। सहज रूपले सीमा कटाइ पर्साको बाटो हुँदै बाराको जितपुर पुर्‍याइ काठमाडौं लान ट्रकमा लोड गर्दै गरेको समयमा पर्सा प्रहरीले ती चौपाया र ट्रकलाई नियन्त्रणमा लिएको हो।

    अवैध तरिकाले ल्याएका चौपायामा १२ वटा भैंसी र ११ वटा पाडापाडी रहेको पर्सा प्रहरीले जनाएको छ। यी चौपाया ना.५ख १९४७ नम्बरको ट्रकमा लोड गरी काठमाडौं लान लागेको थियो। सोही समयमा पर्सा प्रहरी मातहतको प्रहरीले नियन्त्रणमा लिएको पर्साका प्रहरी नायब उपरीक्षक गौतम थापाले बताए।

    'अध्यारो हुन थालेपछि त्यो समयलाई कारोवारीले उपयोग गर्दै ट्रकमा लोड गरी काठमाडौंका लागि हिँडाउदा रहेछन्। यो थाहा पाई पर्सा प्रहरी मातहतको प्रहरीले निगरानी बढाएर नियन्त्रणमा लिएको छ' उनको भनाइ। 

    उनका अनुसार विगतमा पनि अवैध तरिकाले भारतबाट नेपाल ल्याइएका केही भैंसी र पाडापाडी प्रहरीले नियन्त्रणमा लिई आवश्यक कार्वाहीका लागि वीरगन्ज भन्सारमा पठाइएको थियो। फेरि अवैध तरिकाले चौपायाको पैठारी भएको फेला परेको छ। यस विषयमा थप अनुसन्धान भइरहेको पर्सा प्रहरीले जनाएको छ।

    एक मुलुकबाट अर्को मुलुकमा चौपाया तथा पक्षीहरू निर्यात पैठारी गर्दा भन्सार नाकामा रहेको पशु क्वारेन्टाइनमा चेक गराएर मात्र आयात पैठारी गर्नुपर्ने प्रावधान रहेको छ। चौपायाको अवैध ढंगले कारोवार गर्नेले यो प्रावधानलाई उलंघन गरी गलतबाटो प्रयोग गर्ने गरेका छन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]