समाज

एक वर्षमा पनि पाएनन् उखु किसानले सरकारी अनुदानको रकम

कात्तिक २६, २०७६

    सर्लाही : सरकारले दिने भनेको अनुदान रकम नपाएपछि उखु किसानले आन्दोनल गर्ने चेतावनी दिएको छ। केही दिनअघि हरिवनमा सम्पन्न उखु किसानको बैठकले तत्काल अनुदान रकम नपाए आन्दोलनको घोषणा गर्ने निर्णय गरेको छ।

    सरकारले गत वर्ष प्रतिक्विन्टिल ६५ रुपियाँ २८ पैसा अनुदान दिने बताएको थियो। तर, एक वर्ष बितिसक्दा पनि अनुदान बापतको रकम नपाएको किसानको गुनासो छ। अनुदान बापतको रकम पाउने नपाउने अनिश्चित भएको किसानहरु बताउँछन्। 

    सर्लाहीमा सञ्चालित तीनवटा चिनी उद्योगमा उखु बेचेका किसानले सरकारबाट ३६ करोड १२ लाख २१ हजार ३९६ रुपैयाँ अनुदान रकम पाउनु बाँकी छ। उद्योगीबाट ठगिएका किसान सरकारबाट पनि एक वर्षदेखि ठगिएको नेपाल उखु उत्पादक महासंघका अध्यक्ष कपिलमुनि मैनालीले बताए। पटक–पटक ताकेता गर्दा पनि सरकारी पक्षबाट सुनुवाइ नभएको उनको भनाइ छ।

    यता कोष तथा लेखा नियन्त्रक कार्यालय, सर्लाहीका प्रमुख जगत थपलिया अनुदान रकम जिल्ला आउने प्रक्रियामै रहेको बताउँछन्। जिल्लामा अनुदान रकम आएपछि सहायक प्रमुख जिल्ला अधिकारीको संयोजकत्वमा रहेको समितिले निर्णय गरेर रकम वितरण गरिने थपलियाले बताए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]