राजनीति

संघर्ष गरेरै कालापानीबाट भारतीय सेना हटाउछौँ :  नेता वैद्य

मंसिर २, २०७६

    जनकपुरधाम : नेपाल कम्युनिष्ट पार्टी (क्रान्तिकारी माओवादी)का महासचिव मोहन वैद्य ‘किरण’ले सरकार गम्भीर नभए संघर्ष गरेरै कालापानीबाट भारतीय सेनालाई हटाउने बताएका छन्।

    जनकपुरमा सोमबार पत्रकार सम्मेलन गरी उनले भारतीय नक्सामा समेटेको कालापानी, लिपुलेक र लिम्पियाधुरा फिर्ता गराउन सरकार अझै गम्भीर नबेनेको आरोप लगाएका हुन्। सरकारलाई गम्भीर बन्न आग्रह गर्दै उनले राष्ट्रिय स्वाधीनताको रक्षाका लागि सशक्त संघर्षको आवश्यकता रहेको बताए।

    उनले भने, ‘सरकार गम्भीर नबने कालापानीबाट सशक्त संघर्ष गर्ने सोचका साथ अगाडि बढेका छौं। संघर्षबाट कालापानीबाट भारतीय सेनालाई हटाउँछौं।’ उनले सरकार भारतीय नक्साको विषयमा सर्वपक्षी भेला राखेपनि सबै दललाई नबोलाएकोमा आपत्तिसमेत जनाए।

    एक फरक प्रसंगमा महासचिव किरणले संविधानमा आमूल परिवर्तन गर्नुपर्नेसमेत बताए। उनले भने, ‘पहिचानसहितको संघीयताको पक्षमा हामीले आन्दोलन गरेका थियौं। मधेसी मोर्चाले पनि त्यही आवाज उठायो। तर त्यो पाउन सकिएन।’ उनले संविधान संशोधन गराउनसमेत संघर्षको आवश्यकता रहेको औँल्याए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]