साहित्य

कविता : अरु सब ठीक छ

मंसिर ७, २०७६

    पहिलोचोटि
    सालिकहरु बोलेछन्

    चिकित्सकहरु
    उसै गरी गए अस्पताल
    जसरी हिजोअस्ती जान्थे

    बिरामी बोकिहिँड्यो एम्बुलेन्स
    आज पनि

    यो सहरको एउटा प्रसुति वार्डमा
    आजैको दिन
    सात शिशुहरु सकुशल जन्मिए

    अन्त के भयाे कुन्नी

    यता
    केही पाखन्डीहरुले
    देशलाई आज पनि ठाने बाउको बिर्ता
    आज पनि देखियो तान्डव
    देखियो संसद भवनमा नांगो नाँच

    असफल क्रान्तिको गीत
    आज पनि बज्यो चाबहिल चोकमा
    त्रासले निदाएकी मेरी छोरी उठी

    बिजुलीबजारतिर
    भयले स-साना नानीहरु
    आमाकै काखमा गुडुल्किरहे

    अन्त के भयो कुन्नी

    यता
    भारी बोक्नेहरुले
    भारी बोकिरहे

    उसले आज पनि
    गौशाला चोकमा बसेर चटपट बेचिरह्यो

    भक्तपुरबाट
    डोकाका डोका
    आज पनि आइपुग्यो हरियो साग

    अन्त के भयो कुन्नी
    यता सरकार विरुद्ध चर्का नाराहरु लागे।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]