समाज

दुईमाजु मन्दिरभित्रको पसल हट्यो

फाइल फोटो
फागुन २, २०७६

    काठमाडौं : खुलामञ्चस्थित दुईमाजु मन्दिरभित्रको पसल हटेको छ। व्यापारीले ऐतिहासिक मन्दिरभित्र अनधिकृत ढंगले पसल सञ्चालन गरेको चौतर्फी विरोधपछि पसल हटेको हो।

    काठमाडौं महानगरपालिकाले गत कात्तिक महिनामा ती पसलमा ताला लगाएको थियो। काठमाडौं महानगरपालिका २८ वडाका अध्यक्ष भाईराम खड्गीले मन्दिरभित्रका सबै पसल हटेको बताए।

    ‘मन्दिरभित्र सञ्चालित सबै पसलहरू हटेको छ,’ उनले भने, ‘एक महिनाअघि नै अन्य व्यापारीले पसल हटाएका थिए। एक वृद्धा महिलाले मात्रै पसल राखेको थियो। अहिले उनले पनि पसल हटाइसकेको छ। अबदेखि मन्दिरलाई संरक्षण गरिने छ।’ सबै व्यापारीहरुले सामान उठाएर मन्दिरका पसल खाली गरेपनि टहरा भने भत्काइएको छैन।

    गुठी संस्थान शाखा कार्यालय काठमाडौंले पुस २३ गते नै खुलामञ्चमा रहेको दुईमाजु मन्दिर परिसरको टहरा सात दिनभित्र हटाउन ठेक्का पाएका अमृता भट्टराईलाई निर्देशन दिएको थियो। तर, अहिलेसम्म पनि भत्किन सकेको छैन। अध्यक्ष खड्गीले भने खाली पसलका टहराहरू पनि छिट्टै भत्काउने बताए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]