समाज

म्याग्दीको गुफाबाट एकजना चिनियाँ पर्यटकको उद्धार

चैत १८, २०७६

    म्याग्दी : बेनी नगरपालिका–६, गुफाबाट एकजना चिनियाँ नागरिकलाई मंगलबार (आज) उद्धार गरिएको छ।

     करिब दुई महिना अगाडि भिजिट भिषामा नेपालमा आएका चिनियाँ नागरिकलाई बेनपा-५ पुलाचौरको धार्मिकस्थल पौल्स्त्य आश्रममबाट फर्किने क्रममा अर्थुङे सामुदायिक युवा क्लबले उद्धार गरेको क्लवका अध्यक्ष नारायण पौडेलले जानकारी दिए।

    ‘गाउँमा अपरिचित ब्यक्ति प्रवेशको खबरलगत्तै खोजीकार्यमा पुगेका थियौं’, उनले भने,  ‘हामीले उहाँलाई सम्मानपूर्वक प्रहरीको जिम्मा लगाएका छौँ।’

    उनले चीनका पर्यटकबाट गाउँमा संक्रमण फैलिन सक्ने सम्भावनालाई ख्याल गरेर प्रहरीको जिम्मा लगाइएको बताए। पौलस्त्य आश्रमममा एक विदेशी रहेको जानकारी पाएपछि गाउँले समेत त्रसित भएका थिए।

    कोरोना भाइरस (कोभिड-१९) संक्रमणको जोखिमलाई मध्यनजर गरेर क्लबले लकडाउनको समयावधीभर अन्य गाउँबाट आउनेलाई प्रवेश निषेध गरिएको छ । 

    सावधानी र सतर्कता अपनाउन र लकडाउनको पूर्णरुपमा पालना गर्नसमेत क्लबले सबैलाई आग्रह गरेको छ। यस अगाडी म्याग्दीकै रघुगंगा गाउँपालिका–१ बेगखोलाबाट पनि दुईजना चिनियाँ पर्यटकको उद्दार गरिएको थियो ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]