कोभिड-१९ {अपडेट}

कर्णालीका पहिलो संक्रमित महेन्द्रनगर हुुँदै दैलेख पुगेका थिए

जेठ ६, २०७७

    दैलेख : कर्णाली प्रदेशको दैलेखमा कोरोनाका पहिलो संक्रमित फेला परेसँगै अहिले दैलेखमा उच्च सजगता अपनाइएको छ। जिल्लाको आठबिस नगरपालिका १ का कोरोना संक्रमित ३५ वर्षीय युवा ४१ दिन भारतको वनवासामा क्वारेन्टाइनमा बसेर महेन्द्र नगर हुँदै दैलेख आएको खुलेको छ।

     आठबिस नगरपालिकाका नगरप्रमुख खड्कराज उपाध्ययाका अनुसार सीमापारि भारतको वनवासामा अलपत्र परेका नागरिकको उद्धारका क्रममा नगरपालिकाले चैत ३१ गते संक्रमित युवासँगै ३९ जनालाई उद्धार गरि ल्याइएको बताए। उद्धार गरी ल्याइएका ३९ जनालाई नगरपालिका १ मा निर्माण गरिएका क्वारेन्टाइनमा बस्दै आएका थिए।

    संक्रमित युवा क्वारेन्टाइनमै

     कर्णाली प्रदेशका पहिलो कोरोना संक्रमित अहिले पनि क्वारेन्टाइनमा नै राखिएको छ। युवकलाई कोरोना संक्रमण रहेको सोमबार राति पुष्टि भए पनि अहिलेसम्म उपचारका लागि अस्पताल लगिएको छैन। आठबीस नगरपालिकाका नगरप्रमुख उपाध्ययाका अनुसार चैत्र ३१ गते उद्धार गरि वनवासा बाट ल्यायका ३९ जनासँगै संक्रमित युवा पनि नगरपालिका १ को लक्ष्मी माबिमा निर्माण गरिएको क्वारेनटाइनमा रहेको बताए।

    यता, स्वास्थ्य कार्यलय दैलेखका खोप अधिकृत तथा कोरोना सूचना आधिकारी थिरप्रशाद रेग्मीका अनुसार संक्रमित ३५ वर्षीया युवालाई उपचार गर्नका लागि स्वास्थ्य सेवा कार्यालय दैलेखमा ल्याउने तयारी भइरहेको बताए।

     उनले संक्रमित युवालाई जिल्ला ल्याउनका लागि आजै टोली जिल्लाबाट आठबिस जाने तयारी भइरहेको जानकारी दिए। संक्रमीत युवासँगै शनिबार स्वाब संकलन गरिएका ३९ जनामध्ये ३८ जनाको रिर्पोट नेगेटिभ आएको र निर्देशनअनुसार १४ दिनपछि उनीहरुको स्वाब संकलन गरी पुन: परीक्षणका लागि पठाइने रेग्मीले बताए। स्वास्थ्य मन्त्रालयका अनुसार नेपालगञ्‍जस्थित भेरी अस्पतालको प्रयोगशालामा गरिएको परीक्षणमा कोरोना संक्रमणको पुष्टि भएको थियो।

    कर्णाली प्रदेशको राजधानी वीरेन्द्रनगरस्थित प्रादेशिक जनस्वास्थ्य प्रयोगशालामा गरिएको कोरोना परीक्षणमा रिपोर्ट पोजेटिभ देखिएपछि पुन परीक्षणका लागि युवाको स्वाब संकलन गरी नमुना नेपालगन्ज पठाइएको थियो।

उदयराज अधिकारी

अधिकारी थाहा खबरका दैलेख समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]