कोभिड-१९ {अपडेट}

मनमाेहन कार्डियाे सेन्टरमा उपचाररत महिलामा काेराेना संक्रमण

गणेशमान भवनको आइसाेलेसनमा सारिँदै

जेठ ९, २०७७

    काठमाडाैं : महाराजगञ्जस्थित मनमोहन कार्डियो थोरासिक भास्कुलर तथा ट्रान्सप्लान्ट सेन्टरमा उपचाररत एक जना बिरामी महिलामा कोरोना भाइरस संक्रमण देखिएको छ । 

    हेटौँडा ३ मकवानपुर स्थायी घर भएकी ५४ वर्षीया बिरामीको शुक्रबार राष्ट्रिय जनस्वास्थ्य प्रयोगशालामा परीक्षण गर्दा रिपोर्ट पोजेटिभ आएको हो। 

    मुटुको चाल गडबडी भएर उपचारका लागि ल्याइएकी महिलाको मनमोहनको सीसीयू कक्षमा राखेर उपचार भइरहेको थियो । हेटौंडाबाट आएको हुनाले उनको नमूना झिकेर कोरोना परीक्षणका लागि पठाइएको अस्पताल स्रोतले जनाएको छ। 

    ‘खास समस्या मुटुको चाल गडबडी हो तर तराईबाट आएको हुनाले एक पटक नमुना परीक्षणका लागि दिउँ भनेर पठाइएको थियो । पोजेटिभ निस्कियो,’ एक जना चिकित्सकले भने । 

    ती महिलालाई भर्ना भएदेखि नै छुट्टै सीसीयू कक्षमा आइसोलेसनकै रुपमा राखिएको समेत उनले बताए। रिपोर्ट पोजेटिभ आएपछि ती महिलालाई मनमोहनले त्रिवि शिक्षण अस्पतालको गणेशमान भवनमा बनाइएको कोरोना उपचार कक्ष लेभल थ्रीमा सार्ने तयारी गरेको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]