कोभिड-१९ {अपडेट}

क्वारेन्टाइनमा खटिएका बाराका सुरक्षाकर्मीलाई कोरोना संक्रमण

पाँचजना थपिएसँगै बारामा ४७ संक्रमित

जेठ १३, २०७७

    बारा : क्वारेन्टाइनमा खटिएका बाराका दुईजना सुरक्षाकर्मीलाई कोरोना संक्रमण पुष्टि भएको छ। बाराको पचरौता नगरपालिकाको क्वारेन्टाइनमा खटिएका नेपाली सेनालाई संक्रमण पुष्टि भएको हो।

    बाराका प्रमुख जिल्ला अधिकारी रुद्रप्रसाद पण्डितले दिएको जानकारीअनुसार बारामा थप ५ जनामा कोरोना संक्रमण पुष्टि भएको छ। जसमा क्वारेन्टाइनमा सुरक्षामा खटिएका ३५ र ३६ वर्षीय पुरुष र पचरौता नगरपालिका १ का ३० वर्षीय र ३५ वर्षीय पुरुष र वडा नम्बर २ का १९ वर्षीय पुरुष रहेका छन्।

    भारतबाट आएका संक्रमित

    संक्रमित तीनै जना पुरुष वैशाख ३१ गते भारतबाट नेपाल आएर क्वारेन्टाइनमा बसेका थिए। गत जेठ ७ गते उनीहरूको सहित ५८ जनाको स्वाब संकलन गरी परीक्षणका लागि काठमाडौंको टेकुस्थित केन्द्रीय जनस्वास्थ्य प्रयोगशाला पठाइएको प्रजिअ पण्डितले जानकारी दिए। 

    जिल्लामा संक्रमित ४७ पुगे

    बारामा कोरना संक्रमितको संख्या ४७ पुगेको छ। मंगलबार ५ जना थपिएसंगै संक्रमितको संख्या बढेर ४७ पुगेको हो । बारामा एकको मृत्यु भएको छ भने दुई जना उपचारपछि घर फर्किएका छन्। हालसम्म जीतपुरसिमरा उपमहानगरपालिकामा १, सिम्रौनगढ नगरपालिकामा ७, बिश्रामपुर गाँउपालिकामा १, कलैया

    उपमहानगरपालिकामा २ कलैया उपमहानगरपालिकामा रहेको जिल्ला प्रहरी कार्यालयमा ७ जना, करैयामाई गाँउपालिकामा ३ जना, महागडीमाई नगरपालिकामा २१ जना, पचरौता नगरपालिकामा सुरक्षाकर्मी (नेपाली सेना) २ जना र पचरौता नगरपालिकामा ३ जनामा भेटिएको छ।

महेश्वर अधिकारी

अधिकारी थाहा खबरका बारा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]