विश्व

भारतको राजधानी दिल्ली आसपासमा भूकम्प

जेठ १६, २०७७

    एजेन्सी : भारतको राजधानी नयाँदिल्ली आसपासको क्षेत्रमा शुक्रबार राति भूकम्पको धक्का महसुस भएको छ। दिल्लीका अलावा अन्य कयौँ राज्यमा पनि यो भूकम्पको झट्का महसुस गरिएको छ। यो भकम्प ४.६ म्याग्निच्यूडको रहेको खुलेको छ।

    दिल्ली-एनसीआरसमेत हरियाणा र उत्तर प्रदेशका कयौँ क्षेत्रमा भूकम्पको झट्का महसुस गरिएको छ। हरियाणाको रोहतकमा भूकम्पको केन्द्रबिन्दु रहेको खुलेको छ।

    स्थानीय समयानुसार राति ९ बजेर ८ मिनेटमा यस भूकम्पको धक्का करिब १० देखि १५ सेकेण्डसम्म महसुस गरिएको थियो। यो भूकम्प पृथ्वीको सतहबाट पाँच किलोमिटर भित्र गएको हो।

    पछिल्ला केही समययता दिल्लीमा भूकम्प गइरहेको छ। यसअघि १५ मेमा दिल्लीमा भूकम्पको झट्का महसुस गरिएको थियो। २.२ म्याग्निच्यूडको भूकम्प त्यसबेला गएको थियो। १० मेको दिउँसो पनि त्यहाँ ३.५ म्याग्निच्यूडको भूकम्प गएको थियो। 

    १२ र १३ अप्रिलमा पनि दिल्लीमा भूकम्पको झट्का महसुस गरिएको थियो। त्यसबेला ३.५ र २.५ म्याग्निच्यूडको भूकम्पको धक्का महसुस गरिएको थियो। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]