कोभिड-१९ {अपडेट}

११ महिने बालकमा कोरोना, आमालाई भने देखिएन

जेठ १९, २०७७

    कञ्चनपुर : शुक्लाफाँटा नगरपालिका ११ कलुवापुरका ११ महिने बालकमा कोरोना संक्रमणको पुष्टि भएको छ। सेती प्रादेशिक अस्पताल धनगढीमा गरिएको परीक्षणमा बालकमा कोरोनाको पुष्टि भएको हो।

    भारतको हरियाणाको गुडगाँवबाट ६ दिनअघि आमा बुवासँगै आएका बालकमा कोराना देखिएको स्वास्थ्य कार्यालय कञ्चनपुरका कोरोना फोकल पर्सन सिद्धराज भट्टले बताए। 

    बालक आमा बुवासँगै क्वारेन्टाइन बस्दै आएका छन्। कारोना पुष्टि भएका बालकका परिवारको ट्राभल हिस्ट्री खोज्ने कार्य सुरु गरिएको छ।बालकसँगै आमाको समेत थ्रोट स्वाब नमुना संकलन गरी परीक्षणका लागि दुई दिनअघि सेती प्रादेशिक अस्पताल धनगढी पठाइएको थियो। बालकको परीक्षण नतिजा पोजेटिभ आए पनि आमाको नेगेटिभ आएको छ।

    नगरपालिकाको क्वारेन्टाइनमा बस्दै आएका १५ जनाको थ्रोट स्वाब नमुना संकलन गरी परीक्षणका लागि पठाइएको थियो। क्वारेन्टाइनमा बस्दै आएका ३४ जनाको आरडिटी परीक्षणसमेत गरिएको थियो। जसमध्ये दुई जनाको परीक्षण नतिजा पोजेटिभ आए पनि पिसिआर परीक्षणमा भने नेगेटिभ आएको छ।

     
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]