मकवानपुर । मनहरी गाउँपालिका वडा नम्बर ९, खरङ्गामा १ जना पुरुष मृत फेला परेका छन् । मनहरी गाउँपालिका वडा नम्बर ५, बसन्तपुर बस्ने ६३ वर्षीय शेर बहादुर घलान मृत अवस्थामा फेला परेका हुन् ।
बागमती प्रदेश प्रहरी कार्यालय हेटौँडाका अनुसारआइतबार घलान घरबाट खरङ्गा जान्छु भनी निस्किएका थिए ।. तर राति अबेरसम्म पनि घर नफर्किएपछि ईलाका प्रहरी कार्यालय नेवारपानीमा आफन्तहरुले जानकारी दिएका थिए ।
प्रहरी टोलीले खोजी गर्ने क्रममा सोमबार बिहान करिब ९ बजेको समयमा राप्ति खोलामा ढुंगाको बीचमा घलान मृत अवस्थामा फेला परेको प्रहरीले जनाएको छ ।
