मकवानपुर, २२ पुस । आफ्नी ४ वर्षीया छोरी र श्रीमतीलाई निर्मम यातना दिएको अभियोगमा मकवानपुरको हेटौँडामा एक जना पुरुष पक्राउ परेका छन् । पक्राउ पर्नेमा महोत्तरी घर भई हेटौँडा ५ सिंचाई टोल डेरा गरि बस्ने २७ वर्षका रामजी मण्डल रहेको मकवानपुर प्रहरीले जनाएको छ ।
मण्डलले साढे ४ वर्षकी छोरीको हात, गालामा टोकेर गहिरो घाउ बनाउने, कान टोक्ने, आँखामा खुर्सानीको धुलो हाल्ने गरेको स्थानीय छिमेकीले देखेपछि सिविन बाल हेल्प लाईनको सहयोगमा मण्डललाई पक्राउ गरिएको जिल्ला प्रहरी कार्यालय मकवानपुरले जनाएको छ ।
मण्डलले नाबालिका सहित श्रीमतिलाई पनि नियमित यातना दिने गरेको थाहा पाएपछि आफुहरुले उनको डेरामा अनुगमन गर्दा बाबुको यातनाबाट गम्भिर अवस्थामा रहेको नाबालिकालाई उद्धार गरेको सिविन बाल हेल्प लाईन मकवानपुरका प्रवन्धक झविन्द्र ज्ञावलीले बताए ।
