जी. न्यौपाने, मकवानपुर, ९ माघ । २३ औँ सशस्त्र प्रहरी दिवसका अवसरमा हेटौँडा ९ मा रक्तदान कार्यक्रम आयोजना गरिएको छ । सशस्त्र प्रहरी बल, नेपाल नम्बर १४ गण हेडक्वाटर मकवानपुरको आयोजनामा मंगलबार बिहान रक्तदान कार्यक्रम आयोजना गरिएको हो ।
गणका सशस्त्र प्रहरी उपरिक्षक अनिल कार्की, पत्रकार पोष्टराज अधिकारी लगायतले रक्तदान गरेर सुरु भएको कार्यक्रममा सशस्त्र प्रहरी बलका महिला पुरुष दुबैले रक्तदान गरेका थिए । कार्यक्रममा विभिन्न विधामा उत्कृष्ट भएका प्रहरीहरुलाई प्रमाण पत्र वितरण गरिएको थियो ।
कार्यक्रममा सशस्त्र प्रहरी बलका दिवंगत प्रहरीका मातापितालाई सम्मान गरिएको थियो । दिवसका अवसरमा मंगलबार बेलुका साँस्कृतिक कार्यक्रमको समेत आयोजना गरिने गणका सशस्त्र प्रहरी उपरिक्षक अनिल कार्कीले जानकारी दिनुभयो ।
