मकवानपुर, १७ पुस । मकवानपुरको हेटौँडा उपमहानगरपालिका वडा नम्बर १२ घरेडी डाँडाको भिरबाट लडेर पदमपोखरीका एक जनाको ज्यान गएको छ । भिरबाट लडेर पदमपोखरी बस्ने ५५ वर्षीय कृष्णबहादुर थापा मगरको ज्यान गएको हो ।
पदमपोखरी निवासी मगर आईतबार रातिदेखि हराएका थिए । हराएका उनलाई खोजी गर्ने क्रममा घरेडी डाँडाको भिरमा २ सय मिटर तल लडेर मृत्यू भएको अवस्थामा फेला परेको प्रहरीले जनाएको छ ।
निक्कै नै अग्लो भिर रहेको घरेडी डाँडाका केही भागमा वर्षेनी मानिसहरु लडेर घाईते हुने गरेका छन् । साथै केहीले ज्यान समेत गुमाएका छन् ।
