हेटौँडा — मकवानपुर प्रतिनिधिसभा निर्वाचन क्षेत्र नम्बर–२ मा जारी मतगणनामा राष्ट्रिय स्वतन्त्र पार्टी (रास्वपा) का उम्मेदवार प्रशान्त उप्रेतीले फराकिलो अग्रता बनाएका छन्।
हालसम्म सार्वजनिक भएको मतपरिणाम अनुसार उप्रेतीले १७ हजार ६८१ मत प्राप्त गर्दै पहिलो स्थानमा छन्। उनका निकटतम प्रतिस्पर्धी नेकपा एमालेका महेशकुमार बर्तौलाले १३ हजार ११३ मत प्राप्त गरेका छन्। यससँगै उप्रेतीले बर्तौलामाथि ४ हजार ५६८ मतको अग्रता कायम गरेका छन्।
त्यस्तै नेपाली कांग्रेसका उम्मेदवार बुद्ध लामाले १२ हजार ४९ मत प्राप्त गरेका छन् भने नेपाल कम्युनिस्ट पार्टीका लवशेर विष्टले १० हजार ९० मत प्राप्त गरेका छन्।
यसैगरी उज्यालो नेपाल पार्टीका उम्मेदवार प्रवीनकुमार स्याङ्तानले ४ हजार २०० मत प्राप्त गरेका छन्।
निर्वाचन अधिकृतको कार्यालयका अनुसार हाल पनि विभिन्न स्थानीय तहका मतपेटिका खोल्ने तथा मतगणना गर्ने काम जारी रहेको छ। प्रारम्भिक मतपरिणामले भने रास्वपाका उप्रेतीले क्षेत्र नम्बर–२ मा बलियो अग्रता बनाउँदै चुनावी प्रतिस्पर्धामा स्पष्ट बढत कायम गरेको संकेत देखिएको छ।
