च्याटजीबीटीमा अब आवाजको माध्यमबाट कुराकानी गर्न सकिने भएको छ । च्याटजीपीटीको मुख्य कम्पनी ओपनएआईले सोमबार एक ब्लग लेख्दै यसबारे जानकारी दिएको हो ।
ओपनएआईका अनुसार अब च्याटजीपीटीले सुन्न, बोल्न र देख्न सक्नेछ । अमेजनको एलेक्सा र एप्पलको सिरी भ्वाइस असिस्टेन्टहरूले जस्तै च्याटजीपीटीले पनि काम गर्नसक्ने छ ।
त्यस्तै पाँच-फरक फरक आवाजका लागि कम्पनीले व्यावसायिक कलाकारसँग सहकार्य गरेको छ । बोल्न मिल्ने फिचरसँगै चित्रका आधारमा पनि प्रतिक्रिया दिनसक्ने क्षमता रहेकाे कम्पनीकाे भनाइ छ ।
प्रयोगकर्ताले कुनै पनि चित्र च्याटजीपीटीमा हालेर त्यससँग सम्बन्धित प्रश्न सोध्न सक्नेछन् । यद्यपि यी सबै फिचर च्याटजीपीटी प्लस र इन्टरप्राइज सर्भिस लिएका सशुल्क प्रयोगकर्ताहरूले आगामी दुई हप्तापछि मात्र प्रयोग गर्न पाउनेछन् ।
ओपनएआईको यस नयाँ अपडेट प्रविधि क्षेत्रमा भइरहेको दौडका लागि महत्त्वपूर्ण हुने अनुमान गरिएको छ ।
थाहा न्यूज
प्रकाशित:
